الحريرة المغربية بالخضر و بالصور

[وردة حمراء]

الحريرة المغربية بالخضر و بالصور

كل عام وانتم بخير


تعتبر الحريرة من الشوربات الرسمية عندنا في المغرب خلال شهر رمضان
وهي تصاحب بعدة حلويات خاصة كذلك برمضان والتي سانزلها ان شاء الله في
قسم الحلويات


نخليكوم مع المقادير
كفتة
كانت عندي في الفريكو جبدتا هي الاولى باش تتفسخلي على متطيب باقي المقادير

جعدة +بصلة+لفت(مكنشي باقلي في النبيرة من غير داك الفتوتات)+بطاطة

الربيع+قرفس

مطيشا

عدس

حمص مفزك ومقشر


غادي نشبرو داك المقادير نقطعهوم فشي طنجرة ديال كوكوت


نزيدو عليها شوية ديال الزيت شوية ديال الابزار والسكنجبير نعمل معاها شوية ديال السمن نمرق ونعمل الحمص في الكسكاس ديال كوكوط ونشد عليها


تقريبا شي 45 دقيقة
نطحن داك المقادير ديالنا فطنجرة اخرى



داك الساعة نزيد الماء انا تقريبا زيدت 4 ليتر حيت هاد القوام لعدلت ديال 6 اشخاص

ملي تغلي مزيان نزيدلا الطحين ونكور داد الكفتة ونزيدا في الحريرة ديالنا

عوتاني نستناها حتى تغلي مرة اخرى ونعمل مطيشا ديال الحك فشوية ديال الماء نحركا مزيان ونضيفا على الحريرة ديالانا نستناها حتى تطيب مزيان انا كنساها حيت كل مخلينا الحريرة تطيب كتجي مزيانة



داك الساعة كنزيد عليها الشعرية ونشبر شوية ديال القرافس ونقطعو صغير ونرميه فيها باش يطلق فيها الريحة نخليها واحد 15 دقيقة
نفصق داك البيطات فشي زلافة ونزيدو عليها ونعمل فيها 2 ملاعق ديال السمن وكنور ديال البقر ونطفي عليها البوطة
هاهي كيف جات


وهاد الزلافة ناول وحدة غادي تدخل تشوف الموضوع


منقول

الشرح باللهجة المغربية ان لم تفهمو حاجة افسرها هههههههههههههههه
بالف هنا و عافية

المصدر: شبكة نسيم الوادي ومعهد الأشغال الفنية والكروشية

---

hgpvdvm hglyvfdm fhgoqv , fhgw,v

[Mahdoo]

جزاك الله خير الجزاء وردتنا وحبيبتنا
شكلها طعمة وروعة خاصة عند وقت الافطار
لكن للاسف لم افهم معظم المقادير الا بالصور تقريبا
كل عام وكل رمضان وشوربتك الحريرية المغربية بخييييييييييييييير
وبالهناااااااااااااااااء والعاااااااااااااااااااااافية

[أم شيماء]

تسلم الايادي غاليتي وردة

[وردة حمراء]

اهلا اهلا بالغاليات مهدوو و ام شيماء
نورتو الموضوع

[أنهار]