مناقشة مفيدة وضرورية

[شط اسكندرية]

السلام عليكم ورحمة الله وبركاتة

اليوم سوف نتناقش فى هذا الموضوع الهام لكل من بيشتغل اشغال يدوية
نبدا بشغلة شغلة
يعنى اليوم نبدا ب الكروشية
نتناقش ونستفيد من بعض
فى طريقة تثمين قطعة الكروشية
وكل اخت من الاخوات تكتب خبرتها
وطريقة تثمينها لاشغالها
يعنى اكترنا بيشتغل كروشية ومش بيعرف لما يجى يعرض الشغل يطلب فية سعر كام ودى مشككلة اكيد بنعانى منها كلنا
فياريت الاخوات اللى بيشتغلو ويسوقو يكتبو خبرتهم فى التثمين
ليستفاد منها اكبر عدد من الاخوات
يعنى بيضاعف التكلفة ولا بحساب عدد الساعات ويحدد سعر للساعة
ولا بالوحدة ولا ماذا
ارجو من جميع الاخوات المشاركة فى الموضوع

[::طموح مجروح::]

http://abeermahmoud2006.jeeran.com/438-special.gif

بالنسبة لي انا اشتغل بس مااسوق وماعندي خبرة بالتثمين !!

[شط اسكندرية]

مشكورة لمرورك اختى طموح
وان شاء الله الاخوات يشتركو ونستفاد جميعا

[زهرة التوليب]

شـكــ وبارك الله فيك ـــرا لك ... لك مني أجمل تحية .

[batla]

السلام عليكم ورحمة الله وبركاته
انا بالنسبة لي أشتغل وأبيع والحمد لله :) و احسب التكلفة ( استخدم الكلف الغالية لضمان الجودة ) + عدد الساعات ( والساعة ب 15 ريال :) )
وأشوف كم يطلع ....و لك مني أجمل تحية

[شط اسكندرية]

انتى بتحسبى اختى الساعة ب15 ريال شغل متواصل
بما انك مش فى مصر يعنى
يعنى لو الشغل اخد منك 5 ساعات يعنى بعد التكلفة والخيط بتضعى مكسب 75 ريال
يبقى انتى تحسبى بعدد الساعات

[شط اسكندرية]

انا عن نفسى بحسب بطريقة تانية
انا بضاعف التكلفة مرتين
يعنى مثلا مفرش واخد خيط ب100 ببيعة ب300
دى حسبتى
ممكن نشوف الاخوات الباقين بيحسبوها ازاى

[ابتسام عبدالعال]

اختي الحبيبة شط اسكندرية
مش دايما السعر بيتحدد بسعر الخيط
يعني مثلا مفرش السفرة الكبير ممكن ياخد خيط ب 100 جنية
بس الشغل بيكون اكثر بكثير من الخيط
انا بصراحه بحسبها علي حسب تعبي فيها وكل شغل وله تمنه وكمان سعر الخيوط
بس انا بشتغل دايما بخيوط غالية علشان يطلع الشغل شكله قيم
بس انا سمعت كتير انك تحطي ضعفين سعر الخيط زي ما انتي بتحسبيها
http://i273.photobucket.com/albums/jj208/naseemalwadee/rose/flores118.gif

[شط اسكندرية]

والله يا ابتسام كل واحد بيحسبها بطريقة شكل
فى ناس تانية بتقدر الساعة بثمن وتشوف الشغل اخد كام ساعة
وفى ناس بتقول سعر وخلاص يعنى مش بتعرف تثمن الشغل
فهى ملهاش قاعدة ثابتة

[نسيم الوادي]

اولا كل الشكر للأخت شط اسكندرية لطرحها هذا النقاش المهم فعلا لأن الشغل بياخد وقت ومجهود وكمان سعر الخيوط والتكلفة

انا عجبتني افكاركم وفعلا استفدت منها خاصة الأخت بتلا انها محددة سعر للوقت لأنة فعلا فية غرز بتاخد وقت اكتر من غرز تانية وأنا حجرب الطريقة دية اريح شوية لأني بتعب من البحث على الأسعار ومقارنتها كمان عشان مايكون فية ظلم ليا او للمشتري
وبالنسبة للكروشية تحديدا غير التريكو لأنة لازم يكون يدوي ومافيهوش شغل مكائن وعشان كدة سعرة غالي شوية خاصة في المفارش الكبيرة

الموضوع فعلا قيم جدا واتمنى من الأخوات يشاركونا بخبراتهم

ويتم تثبيتة لأهميتة

[هنهن2007]

شطوط موضوعك مهم جدااااا
بس انا بحسبها غير كدة خالص انا بحسبها بالوقت وثمن الخيط
بمعنى لو الحاجة اللى بشتغلها اخدت وقت قصير بحط تكلفة بسيطة على سعر الخيط والعكس طبعا

[batla]

:) ايوة يا اختي شط الاسكندرية انا بحسب بالساعات لان المجهود هو المهم كما قالت اختي نسيم الوادي
وشكرا لك اختي نسيم لاعجابك بطريقتي .....
لكن مني أجمل تحية .

[شط اسكندرية]

مشكورة يا نسومة لتثبيتك الموضوع وشكرا لمرورك هنونة
والله المشكلة مش فى الحاجت البسيطة
المشكلة فى الشغل الكبير مثلا مفارش السفرة والسرير دى بيبقى تحديد سعرها صعب لانها بتاخد شغل كتير وتشبيك ومكوى وكمان فى مفارش بتاخد اكتر من شهرين شغل
فبيبقى صعب حسابها بالوقت
وفى انتظار باقى الاخوات لاخبارنا ازاى بتحدد سعر الشغل

[نسيم الوادي]

والله المشكلة مش فى الحاجت البسيطة
المشكلة فى الشغل الكبير مثلا مفارش السفرة والسرير دى بيبقى تحديد سعرها صعب لانها بتاخد شغل كتير وتشبيك ومكوى وكمان فى مفارش بتاخد اكتر من شهرين شغل
فبيبقى صعب حسابها بالوقت

معاكي حق شطوطة الوقت والمجهود فعلا مهم جدا وانا كنت بحاول ادور على الأسعار على النت عشان اقيس على شغلي خاصة وان مافيش اسواق للكروشية والمقارنة صعبة

يعني مثلا الشغل بخيط الصوف بيكون اسرع من الخيط القطن او الحرير

وانا بحاول اتجنب شغل الحرير لأنة متعب جدا والخيط بيفك مني كل شوية وبياخد مجهود ووقت كبير وبحب القطن في الشغل اكتر

مرة بدأت اعمل لنفسي بلوزة حرير وتركتها من نص الشغل اصابعي تحسست من الخيط وزهقني كل ما الفة على اصبعي يفك ولغيت الفكرة للبلوزة وبعمل الخيط الحرير في الحاجات الصغيرة متل الحواف

ياريت باقي الأخوات يشاركونا ويفيدونا بخبراتهم

[شط اسكندرية]

والله يا نسيم بالرغم ان خيط الحرير متعب بس شيك جدا
ودلوقتى فى خيط حرير حلو قوى هو يعتبر غالى شوية بس فتلة واحدة و سميك شوية وشغلة روعة
بس تقيل ومش بيوزن
بس اللى محتاج الشياكة بيضحى

[أساطير]

أنا مشكلتي أني كل مرة أفكر اعمل شي وأبيعه ..... أستحي
يعني حتى لو قالو لي بكم أقول انتو سعروه
وآخر شي أخليه هدية

[شط اسكندرية]

أنا مشكلتي أني كل مرة أفكر اعمل شي وأبيعه ..... أستحي
يعني حتى لو قالو لي بكم أقول انتو سعروه
وآخر شي أخليه هدية
دى مشكلة بنات كتير جدا انها بتككسف تقول سعر الشى

[فجر مصر]

حبيباتي في الله أنا جربت الموضوع أكثر من مرة لكن إذا حسبت بالساعة إنت مش ضامنة إنك تكوني بتجلسي تشتغلي ساعة كاملة لكن أفضل طريقة هي إنك بعد ما تنهي العمل أوزنيه عند أي أحد يبيع الخيوط بالكيلو لتعرفي عملك كلف قد ايه خيط وتقدري تحسبي تكلفته وبعد كده شوفي مجهودك وقدريه وكمان تبقى التقدير معقول علشان يبقى مناسب مع أسعار السوق ويمكن أقل شويع علشان أضمن إني أبيع مثلا لو عندك مفرش كلف 10 ريال حطي عليه 10 زيهم أو 15 ريال إذا كان مفرش عادي إما إذا كان مفارش بتأخذ مجهود أعلى يبقى في حدود 20 و 25 على تكلفته يبقى 10 + 25 = 35 ريال مثلا وهكذا وخللي بالك لما ببيع حاجة بطلب سعري اللي أنا عايزاه مش بتكسف لأني في النهاية بنقي من السوق الخامات الممتازة والمكلفة علشان ضمان الجودة مش بحب أبيع حاجة وفي النهاية ألاقي اللي خدها يقولي دي خامة رديئة لأ طبعا وكمان بخللي شغلي مش مكرر يعني لوأخدت باترون مش بعملوا زي ما هو بغير فيه علشان يبقى موديل جديد أو شكل جديد مش عند حد على العموم أنا معايا دلوقت فكرة جديد أو ما أخلصها هعرضها عليكم بإذن الله وكمان هحط الباترون الأصلي وتشوفي الفرق بين الاثنين لكم تحياتي وبالتوفيق بإذن الله

[شط اسكندرية]

حبيباتي في الله أنا جربت الموضوع أكثر من مرة لكن إذا حسبت بالساعة إنت مش ضامنة إنك تكوني بتجلسي تشتغلي ساعة كاملة لكن أفضل طريقة هي إنك بعد ما تنهي العمل أوزنيه عند أي أحد يبيع الخيوط بالكيلو لتعرفي عملك كلف قد ايه خيط وتقدري تحسبي تكلفته وبعد كده شوفي مجهودك وقدريه وكمان تبقى التقدير معقول علشان يبقى مناسب مع أسعار السوق ويمكن أقل شويع علشان أضمن إني أبيع مثلا لو عندك مفرش كلف 10 ريال حطي عليه 10 زيهم أو 15 ريال إذا كان مفرش عادي إما إذا كان مفارش بتأخذ مجهود أعلى يبقى في حدود 20 و 25 على تكلفته يبقى 10 + 25 = 35 ريال مثلا وهكذا وخللي بالك لما ببيع حاجة بطلب سعري اللي أنا عايزاه مش بتكسف لأني في النهاية بنقي من السوق الخامات الممتازة والمكلفة علشان ضمان الجودة مش بحب أبيع حاجة وفي النهاية ألاقي اللي خدها يقولي دي خامة رديئة لأ طبعا وكمان بخللي شغلي مش مكرر يعني لوأخدت باترون مش بعملوا زي ما هو بغير فيه علشان يبقى موديل جديد أو شكل جديد مش عند حد على العموم أنا معايا دلوقت فكرة جديد أو ما أخلصها هعرضها عليكم بإذن الله وكمان هحط الباترون الأصلي وتشوفي الفرق بين الاثنين لكم تحياتي وبالتوفيق بإذن الله
مستنينك حبيبتى ان شاء الله

[solange]

مناقشة رائعة شط إسكندرية

لأنه فعلا تحديد سعر قطعة الشغل مشكلة صعبة جدا ، و عن نفسي أنا بأعاني منها بشدة

لأنه لا يوجد معيار للتثمين مثال قطعة شغل تكلفت خيط ب 20 جنيه أبيعها بضعف ثمن الخيط أي ب 40 أو 60

و قد يصل سعرها في المحلات ما يقرب 200 جنيه أعتقد إنها ستكون مثار شك في نوع الخيط حتي و لو كان

من نوعية ممتازة و بها غرز محتاجة للدقة في شغلها

حقيقي مشكلة

لك شكري و تحياتي

[شط اسكندرية]

اختى زهرة برية دى مشكلتنا كلنا موضوع التثمين وللاسف موصلناش لقاعدة عامة فى الموضوع دة

[نسمة52]

العمل اليدوي بالنسبة لي لا يقدر بثمن

[haallaa]

على ما اظن الحساب عن طريق الوقت بيكون صعب شويه علشان اغلبنا بيشتغل فى وقت الفراغ فحساب الوقت هنا عشوائى فيمكن الحساب يكون عن طريق التكلفه الفعليه للخامات +100% سعرالخامات +50% من الناتج السابق تقديرى للوقت( تكلفه تقديريه للوقت)

[haallaa]

اظن الحساب غلى اساس الخامات هو المقياس الاساسى لحساب التكلفه مع مراعاة ان عنصر الوقت غالىعاشان كده نضيف من 3 الى 4 اضعاف ثمن الخامات تقدير للوقت يارب يكون محولاتى صح اتحملونى لو كنت باطول عليكم شكرا

[زهرة الأوركيد]

مشكوره إختي شط على طرح هذا الموضوع
لأني مبتدئه في لمجال ولاأعرف كيف أقيم السعر الصراحه إستفدت من أرائكم كثبير في

والله يعطيكم العافيه

[...ندى...]

انا بشتغل ما بسوق
برغم اني فكرت بفكرة التسويق الا اني لم اعملها لغاية الان
لكن افكاري تقول لي
اني ممكن احسب تكلفةالقطعه من صوف وزراير وورد الخ..+نوع الغرزة والموديل والحجم واشوف شو بيطلع معي

[ذات متألقة]

الله يوفقكم
ويفتح عليكم
:)

[أميرة الساحل]

الله يوفق الجميع
انا اشتغل من فترة ماهي قصيرة بس عمري مابعت
لان ماعندي خبرة بالتسويق ونفس استفيد من شغلي

[قمه احساس]

موضوع جميل
لما اسعر اشغالى احسب الوقت ونوعيه العمل وكثير ما احط نفسى مكان المشترى
وهل السعر مناسب للقطعه او لا واتكل على ربى ..... والحمد لله كل شىء تماااااااااااام
وشكرا

[ساكورا]

السلام عليكم

تـسلم إيديك

و يعطيكـ العـآإفيهـ

مشكورة ع موضوعك المتألق في هذا المنتدى المتميز

تـحياتـى

[عبيرالورد]

بالنسبة لي انا اشتغل بس مااسوق وماعندي خبرة بالتثمين !!
شـكــ وبارك الله فيك ـــرا لك ... لك مني أجمل تحية .