الى وادى القرآن

[dr nonna]

http://i273.photobucket.com/albums/jj208/naseemalwadee/sub/viewpic2.gif

هلموا اخواتى الى وادى القرآن
معلش الموضوع للبنات ولو زاد عدد الرجال المشتركينمعانا نبقى نحاول نعملهم موضوع
عاوزين نتجمع على طاعة الله
كلنا بنقعد ع النت بالساعات
بنشتغل بلوزة كروشية بدقة وجمال فى اسبوع او حتى شهر
بنعمل حاجات كتير بنطبخ ساعتين بنلعب مع اولادنا
اما آن الأوان لنا ان نحفظ القرآن
الى متى سننتظر
نكبر شوية
نفضى شوية
عيالنا تكبر
لكن اللحظة المناسبة ها دلوقتى
نفسى فعلا ابدا معاكم
ونحفظة فى 4 شهور
فانا عندى استعداد احفظ 5 اوجه فى ايوم وان شاء الله نبدأ سويا مع بعض
اللى عاوزة تبدأ معايا تعمل ماسنجر skype من موقع www.skype.com (http://www.skype.com)
ونحاول مع بعض هنمشى على جدول شهرى اول بأول ننزلو
وان شاء الله يكون الشهر الخامس مراجعة بحفظ جزء يوميا
اللى عاوزة تبدأ معايا تقولى على السكاى بتاعها عشان نتكلم نتفق على معاد
يالا شدو حيلكو لنكون من اهل الله وخاصتة ونلبس تاج الوقار
وعيب علينا يطلعوا اولادنا مش حافظين القرآن واحنا اهل القرأن واهل اللغة
انا نفسى احفظو بسرعة قبل ما بنتى تكمل 3 سنين عشان اقدر احفظهولها واراجعو معاها قبل ما تكمل 6 سنين
لأن بجد الحاجات اللى حفظناها واتعلمناها قبل ما ندخل المدرسة او حتى فى المراحل الأولية منها الى الآن لم ننساها
يالا للجادين فقط
وسارعوااا
بس ما تنسوش تجاوبوا على الاستفتاء

[نسيم الوادي]

جزاك الله خير اختي الكريمة

بارك الله فيكي

[dr nonna]

هتبقى معانا يا نسيم ولا لأ

[نسيم الوادي]

ان شاء الله حكون معكم

شكرا لك
بس انا كان عندي سؤال

هو التسجيل على الموقع دة حيكون زي المسنجر ؟؟

معلش انا ماعمري سجلت علية ومعتمدين عليكي نتعبك معنا وتحكي لنا شوية عن مبدأ هذا الموقع

هو على مافهمت من مضمون الموضوع حيكون زي محادثة صوتية بيننا لهدف حفظ القرآن

صحيح؟؟؟

جزاك الله خير بجد فكرة حلوة وربنا يقدرنا

بس انا حبدأ من السور القصيرة على قد ما اقدر

[نسيم الوادي]

ارجو منكم اخواتي طلب

عنوان السكاي بي يتم تبادله على الخاص

احسن للخصوصية

وشكرا لكم

[dr nonna]

ايوة زى ما قالت نسيم اللى هتشترك تبعت على الخاص عنوان سكاى بى
وشرح البرنامج ساضعة لاحقا على المواضيع العامة واضع لكم الرابط

[لمسة جمال]

فكره رائعه حبيبتى
جزاكى الله ألف خير ويارب يقدرنا كلنا ولك الأجر والثواب

[dr nonna]

هتكونى معانا يا ماما جارة الوادى مش كدة

[كبرياء انثى]

جزاكم الله خير
فكره رائعه
انا بصراحه حافظه القران بس ممكن لو سمحتوا اراجع معاكم

يسلمووو

ارق تحيه

[doaa7th]

يا جماعه انا عايزه ابدا معاكوا بس انا خايفه ابتدى فى الاول واضيع فى النص لانى بصراحه شايفه حفظ القران فى 4 شهور دى فوق طاقتى مش عارفه انا بقترح اننا نزود المده يعنى لو صفحتين فى اليوم ونعرف تفسيرهم ومعانى الكلمات افتكر ممكن يثبتوا اكتر وهاتكون فرصه كويسه اننا نحفظ بتدبر ولتطبيق الى لنحفظه فى حياتنا العمليه.

انا شايفه اننا لو حفظنا فى خلال سنه هايكون كويس .

ده اقتراحى وممكن الاخوات الى يحبوا يشاركوا يقولوا هما شايفين ان نسب مده ليهم اد ايه
وشكرا ليكى يانونه انك فتحتى الموضوع تانى فى المنتدى لاهميته

ربنا يباركلك ويجعله فى ميزان حسناتك

[صدى القلب]

جزاكم الله الخير اختي على الموضوع


وان شاء الله في موازين اعمالكم ان شاء الله


اخوكم صدى

[dr nonna]

جزاكم الله خير
فكره رائعه
انا بصراحه حافظه القران بس ممكن لو سمحتوا اراجع معاكم

يسلمووو

ارق تحيه

اهلا وسهلا بك ورفعنا الله الى مرتبتك ولا تنسينا من صالح دعائك وشفاعتك يوم القيامة



خايفه ابتدى فى الاول واضيع فى النص لانى بصراحه شايفه حفظ القران فى 4 شهور دى فوق طاقتى
لا يا حبيبتى متخافيش ولو اتعطلتى ادخلى بس معانا اسمعى ومع التكرار ان شاءالله هتحفظى
وهو هيكون صعب فى الاول لكن ان شاء اله ييسر كل عسير
وانا واثقة انك هتقدرىويا جماعة ماشاء الله تبارك الله لنا اخت فى الله حفظته فى شهرين
وفيه ناس بتجبر نفسها خلال رمضانان انها تحفظ كل يوم جز وتصلى به فى القيام بالليل


جزاكم الله الخير اختي على الموضوع


وان شاء الله في موازين اعمالكم ان شاء الله


بارك الله فيك اخى دعواتك لنا

[dr nonna]

يا اخت دعاء منتظرة عنوان skype بتاعك

[ميرى حليم]

فكرة جميلة وان شاء الله ح اكون معاكم بس من فضلكم حد يشرح لنا الاشتراك فى ال سكاى بى
وجزاكم الله كل الخير
http://rosehost.info/files/9qn1wdcyywa9rwl8cf1t.gif (http://rosehost.info/files/9qn1wdcyywa9rwl8cf1t.gif)

[dr nonna]

انا متاسفة جدا فى التاخير بس لظروف خارجة عن ارادتى
والان

اضغطو هنا (http://www.lanaaa.com/na/showthread.php?p=2360)

بس ورجاء سرعة الاستجابة

[doaa7th]

يا جماعه معلش انا اتاخرت علليكو كتيييييييير بس غصي عنى

على العموم احب اعرف انتوا وصلتوا لحد فين فى الحفظ

وشكرا لمجهودكم وسامحونى

[dr nonna]

للأسف الناس نامت ومحدش اتحمس مش عارفة ليه
لكن لو عاوزة تبدأى نشتغل سوا

[yoyo]

أنا معاكم بس مش عارفة انتم بدأتم ولا لسه

[doaa7th]

انا حملت برنامج skype امبارح الحمدلله وانا واحده صحبتنى بس مش فى المنتدى لسه بادئين نحفظ صفحتين كل يوم
شوفوا ازاى ممكن نعمل حاجه سوه وانا مستنيه ردكم ودعمكم

[amshrook]

جزاكم الله كل خير
يسعدنى انى اكون معاكو وادعوالله لنا بالثبات

[نانو2]

انا فرحانه جدا بالفكره ونفسى اشترك معاكم ممكن بس انا مش عارفه حاخه عن كيفيه الاشتراك ممكن حد يشرحلى اعمل ايه بالتفصيل علشان انا جديده على النت ومش فاهمه المصطلحات الللى بتقلوها

[dr nonna]

انا مبسوطة بالحماس بتاعكو ده
يالا كلو يعمل ايميلات ويخش

[bonbon]

samsamsamsamالسلام عليكم ورحمه الله وبركاته
طبعا فكرة صائبه بس انا جيت متاخرة قوى وعموما
انا بحفظ بس بطيء جدا لان الذاكرة ضعيفه عندى
يعنى تقرببا 2صفحه فى الاسبوع وبحفظ مع صديقه
لى وانا عايزة اتابع معاكوا بس مش عارفه
وجعله الله فى ميزان حسناتك
سبحان الله وبحمده سبحان الله العظيمsamsamsamsam

[ايمي احمد]

فكرة جميلة ساتابع معاكم ان شاء الله

[أم رباب]

ومن لا يمكن له هذه الامكانية لظروف ما سيكون الحل؟؟؟؟؟؟؟؟؟؟؟؟؟؟؟؟؟؟

[dr nonna]

يا اختى كل اللى انتى شايفاهم متحمسين محدش عمل ماسنجر اسكاى والهتهم الدنيا فى مشاغلها وحدش نفذ الاتفاق

[دندوفة]

السلام عليكم ورحمة الله وبركاته

انا بحفظ قرآن وعايزة اشترك معاكم

[مروة حكمت]

جزاك الله خيرا وبارك الله بك