ممكن مساعدة يا حبيباتى المبدعات سؤال عن بونشو

[نسيم الفجر]

السلام عليكم ورحمة الله وبركاتة
ممكن طريقة عمل بونشو او كاب للاطفال الى على شكل مستطيل ومعاة قبعة حلوة علشان انا عايزة اعمل بونشو وقبعة لبنتى للشتا بس يا ريت يكون بالتفصيل
ويا ريت لو فية خطوات مصورة اكون شاكرة جدا ليكم
واسفة لانى حغلبكم

[::طموح مجروح::]

إذا قصدك هذا هذي طريقة شغله

تم ازالة الرابط بمعرفة الإدارة

رابط لمنتدى آخر

نبدا باسم الله الرحمن الرحيم
1-اشتغلى سلسلة على اد فتحة الرقبة بحيث يكون عدد يقبل القسمة على 2 ويكون النصف يقبل القسمة على 2 برده يعنى النصف الاول يبقى ربعين
2-السطر الاول اشتغلى غرزة حشو
3-السطر الثانى اشتغلى اعمدة فى كل غرزة حشو بدون ترك سلسلة بين كل عمود والاخر
4-السطر الثالث اشتغلى اعمدة برده ولكن اشتغلى فوق عامود واتركى التالى واعملى سلسلة بين كل واحد والتانى يعنى هاتعملى عامود سلسلة اتركى العامود التالى واشتغلى فى اللى بعده
5-عدى عدد الفتحات المتكونة فى السطر السابق واقسمى على 2 ثم اقسمى ا لنصف الاول على ربعين وشوفى عدد فتحات الربع الاول كام
6- السطر ده هاتشتغلى فى فتحة وتتركى التالية وهكذا يعنى هاتدخلى فى اول فتحة وتشتغلى 3اعمدة وسلسلة وتتركى الفتحة التالية وتشتغلى فى اللى بعدها لحد ما توصلى لنهاية الربع الاول او نصف النصف الاول من عدد الفتحات هاتشتغلى فى الفتحةالمتممة للربع الاول دى 6 اعمدة ,3 اعمدة وسلسلتين و3 اعمدة ثم تكملى الشغل فى الفتحات التالية 3 اعمدة وسلسلة فقط واوعى تنسى تشتغلى فى فتحة وتتركى فتحة ولكن المرة دى هاتشتغلى النصف التانى كلة بدون تنصيص لحد ما توصلى لنهاية عدد فتحات النصف التانى هاتكررى العملية وتشتغلى فى الفتحة المتممة لنهاية النصف التانى من عدد فتحات الشال 6 اعمدة برده بنفس الطريقة 3اعمدة وسلسلتين و3 اعمدة فى نفس الفتحة وتكملى الشغل فى باقى الفتحات التالية اللى هى الربع التانى من النصف الاول 3اعمدة وسلسلة حتى نهاية السطريعنى لوكان مثلا عدد الفتحات 100 هاتشتغلى 25 ثم6 اعمدة ثم 50 ثم 6 اعمدة ثم 25 فهمتوا حاجة يعنى بالرسم التقريبى كدة هاتشتغلى -- 6اعمدة ---- 6اعمدة --
7- السطر الرابع هاتشتغلى فى الفتحات كلها بدون ترك واحدة يعنى هاتشتغلى 3اعمدة بين كل 3 اعمدة واللى بعدها بنفس الطريقة هاتشتغلى 3اعمدة سلسلة 3 اعمدة فى الفتحة التالية لحد ما توصلى للست اعمدة هاتشتغلى بينهم 6 اعمدة اخرى بسلسلتين فى النصف لحد ما تكملى حوالى 5 اسطر بنفس الطريقة
8- قيس الوسع بتاع الاكتاف عليكى وابداى بعمل التوسعة فى جانبين الشال اللى هم على الذراعين هاتدخلى فى اول فتحة فى السطر وتشتغلى 4 اعمدة وسلسلتين وتكملى الشغل عادى 3 اعمدة وسلسلة فى الفتحات التالية وهكذا لحد ما توصلى للجنب التانى من الشال اللى ناحية الذراع الايسر واعملى فى الفتحة 4 اعمدة وسلسلتين برده وتكملى الشغل عادى فى باقى الفتحات 3 اعمدة وسلسلة
ملحوظة: علشان يطلع الوسع متساوى من النحيتين هاتقسمى عدد الفتحات المرة دى على 2 وهاتخلى التوسعة (ال4 اعمدة وسلسلتين) فى بداية السطر الجديد وتشوفى المقابل ليها من الجانب التانى وتعملى نفس الحكاية وده علشان يبقى التوسعة فى جانبين الشال وتبقى مش باينة لانها هاتبقى على الذراعين من الجنب مش من الامام وتبقى باينة وده المغزى من اننا نقسم عدد الفتحات فى البداية لربع ونصف وربع
9- استمرى على هذا المنوال لحد ما توصلى للوسع المناسب والطول المناسب
اخر سطر اشتغلى حشو فوق كل الاعمدة والسلاسل اللى بينهم علشان يدى متانة للغرز ويبقى شكلها حلو
10-اعملى شراشيب فى فتحة واتركى فتحتين او 3 على حسب ما انتى عايزة
11- هاتى لون افتح واطلعى للشال فى اول سطر من فوق اللى كان حشو واوصلى الخيط واشتغلى حشو باللون الجديد فوق اول سطر حشو فى بداية الشال علشان يدى حز حلو اوكنار زى ما بتقولوا ويبقى الشغل شكله نظيف ومرتب
اعملى سلسلة لعمل رباط الشال ودخليها فى فتحات الشال من فوق واعملى بونبون للاطراف او ممكن وردات وتخيطيها فى طرفين السلسلة

[نسيم الفجر]

السلام عليكم ورحمة الله وبركاتة
غاليتى طموح مجروح اشكرك على سرعة الرد والتفصيل فى الطريقة ويسلموا ايديكى
بس للاسف صفحة الموقع الى اعطتينى اياة ما رضيت تفتح معى معلش ممكن اغلبك تنزليلى صورة الكاب حتى فقط اعرف الموديل واتاكد منة
واسفة لانى راح اغلبك معايا
وجزاكى الله كل الخير

[::طموح مجروح::]

تم ازالة الرابط بمعرفة الإدارة

رابط لمنتدى آخر

أتمنى تكون واضحة الحين ,,,,,,,

http://akhawat.islamway.com/forum/uploads/post-20628-1188684311.gif

[::طموح مجروح::]

هذا واحد يشبهه تماما قمت بتنفيذة ......

http://up.joreyat.org/25Sep2008/DSC01395.JPG (www.joreyat.org)

[نسيم الفجر]

حبيبتى طموح مجرو بارك الله فيكى غلبتك معايا
الصورة الاولى ما طلعت بس الثانية حلوة كتير ما شاء الله عليكى شغلك كتير حلو هو مش بالظبط زى الى انا عايزاة بس برضة دا استايل حلو
بس قوليلى لو عايزة اعملة باى غرزة تانية مسكرة اكتر يعنى ما فيها فراغات حتكون الخطوات برضة نفس الخطوات
معلش انا عارفة انى غلبتك والله بس جزاكى الله كل خير

[::طموح مجروح::]

http://www.omazeezan.com/forum/imgcache/2749.jpg

وهذا واحد ثاني ياليت يعجبك

[::طموح مجروح::]

راح تكون نفس الغرزة بس لاتتركين فراغات
الا من عند الشكل المثلث راح يكون فيه فراغ بسيط علشان يعطي شكل
أتمنى أكون أفدتك ......

[خجـ آلْقَمَر ــل]

مااااااشاااااااااء الله طمووح

مبدعة ماشاء الله << يارب اصير مثلك :)


تشكراات ع الشرح

[batla]

موفق بإذن الله ... لك مني أجمل تحية .

[زهرة التوليب]

اختى الغالية هذة ورشة عمل بونشو اتمنى انها تعجبك وهذا هو رابط الموضوع
http://www.mrchat.net/na/showthread.php?t=15923