ممكن سوال

[afreta-hanem]

بسم الله الرحمن الرحيم
السلام عليكم ورحمة الله وبركاته
القسم دة جمييييييييييييييييييييل بصراحة
جامد جدا
انا كنت هتجنن وانا بتفرج على المواضيع اللى فية
كنت عايزة اقوم حالا اعمل زيها1 (68)1 (68)
بس فى مشكلة
كل المواضيع بالصور يا جماعة انا مش عارفة الخامات اية
يعنى انا اللى برسم بعد كدة احط على الرسم لزق ولا بحط صور واحط عليها لزق
واللزق دة نوعة اية
والالوان اى الوان ولا حاجة معينة

[نسيم الوادي]

اختي انا للأسف مابشتغل ديكوباج ومابعرف تفاصيل العمل

بس هنا في شرح نقلتة عن الديكوباج اتمنى يفيدك او حد من الأخوات الي بيشتغلوا ديكوباج يفيدوكي

http://www.lanaaa.com/na/showthread.php?t=1167 (http://www.lanaaa.com/na/showthread.php?t=1167)

[afreta-hanem]

شكرا شكرا ربنا يخليكى يا رب ويخليك ولادك

[زهرة التوليب]

عزيزتى afreta_hanemيمكننى مساعدتك لاننى رايت مرة فى احدى البرامج وجربت الطريقة وكانت ناجحة انى استعمل المحارم الورقية التى نستعملها على طاولة الاكل وهى متوفرة فى الاسواق بالوان واشكال مختلفة وجميلة يمكنك قص الشكل او حتى القطعة كامل ولصقها بواسطة مادة الغرى وهى متوفرة ايظا فى الاسواق ولك منى كل الشكر

[أم عمرو و رامى]

عزيزتى

أنا اتعلمت الديكوباج البارز و الغير بارز
جربت الديكوباج البارز و كانت النتيجة رائعة

شوفى يا ستى

1

تجيبى ورقبيتباع فى المكتبات اسمه ورق ناصيبيان و هو زى الكارتون ( الورق المقوى )
ممكن تشتغلى على الورق على طول , و ممكن تعملى خلفية من خيالك بأى نوع من الوان

2

و تجيبى 4 كروت من المكتبة ( بنفس الرسمة )

3

أول واحدة تخليها زى ما هى
التانية تقصصى منها حتت كبيرة
التالتة تقصى التفاصيل الأصغر
الرابعة تقصى التفاصيل الأكثر دقة
يعنى مثلا:
لو جايبة صورة عصفورة :
هتقصى الجسم كله من أول صورة
و من تانى صورة هتقصى الجسم بالديل بالجناحين مع بعض , و الراس لوحدها
من الصورة التالتة هتفصلى العنين و المنقار من الراس , و هتفصلى الجناح و الديل عن الجسم
و من الصورة الرابعة هتقصى الننى بتاع العين , و هتفصلى المنقار عن بعضه ( الشفة العليا و الشفة السفلى )
و بالنسبة للجسم هتفصلى الريشات من الديل و الجناح عن بعضها

بعد كدة هتبدائى تعملى تانيات فى أطراف الجزيئات اللى قصيتيها دى كلها بنفس الأسلوب اللى بنتبعه مع شرائط الهدايا ( بالمقص و هو مفتوح بتحطى سلاح المقص و تشدى برفق فتتنى الأطراف )

4

هتجيبى أنبوبة سليكون من محلات الحدائد و البويات
و تبدأى تملى داخل التجويفات اللى عملتيها فى الجزيئات و تلزقى كل قطعة فوق الأخرى من غير ما تتغطى
يعنى
الصورة الأولى تتلزق
و بعدين تتلزق أجزاء الصورة التانية فوقها .. و نخليها مرفوعة عنها شوية
نسيبها كام ساعة لغاية ما ينشف السليكون
ناخد أجزاء الصورة التالتة و نملا داخلها بالسليكون و نحطها بالراحة , و بمجرد لمس خفبف علشان ما تتبططش و تفضل بارزة
و نسيب السليكون ينشف........ و هكذا

5

بعد ما كله ينشف هتجيبى فلوت ( ورنيش تلميع الخشب ) برضو من محلات الحدايد و البويات
و هتدهنى اللوحة اللى عملتيها كلها بالفلوت
استنى كام ساعة على ما تنشف و ادهنيها كمان مرة
و كل ما دهنتيها كل ما كانت الصورة بتلمع أكتر و جامدة أكتر

و عن تجربة :
أنا عاملة 3 لوحات معلقاهم فى الحمام ( يعنى بيتعرضوا للمياه و البخار كل يوم ) بقالهم 17 سنة و ما شاء الله لسة زى ما هم

معلومة:
ممكن كمان تعملى الشغل دة على أى سطح تانى غير ورق ناصيبيان : لوحة خشب , زجاج فيميه أو مضلع , مرايا .. و ممكن بلاطة سيراميك ........الخ

و بدل ما تشترى كروت
ممكن ترسمى انتى الرسمة اللى تختر على بالك
و تلونيها بأى ألوان : فلوماستر , أقلام , جواش ...الخ
و تدهنى الرسمة بالفلوت من الوجه
و لما ينشف الفلوت ادهنى ظهر الصورة
بعد كدة قصقصيها
و استعملى المقص فى لف أطرافها
و كملى بنفس الطريقة

و ممكن بدل ما تعملى 4 طبقات ممكن تبقى طبقة واحدة بس خللى أطرافها متنية قوى واحشيها بسليكون كتير علشان البروز يبقى واضح

و الطريقة دى مجرباها برضو و نتيجتها فى منتهى الجمال
لكن الحقيقة اللى بتبقى ب4 طبقات بتبقى أجمل



بالنسبة للديكوباج الغير بارز فأنا لسة ما جربتوش
بس دى طريقتهزى ما اتشرحت لى :

1

بتجيبى فوط السفرة الورقية من أى سوبر ماركت
الفوط دى بتبقى من 3 طبقات
شيلى برفق الطبقة اللى عليها الرسمة و قصى الرسمة

2

تنظفى كويس السطح اللى هتشتغلى عليه
تدهنيه بغرا أبيض ,و دة بتجيبيه من المكتبات الكبيرة أو محلات الحدايد و البويات
و تلزقى الرسمة برفق
تستنى كام ساعة على ما الغرا ينشف تماما
ملحوظة :
و انتى بتدهنى الغرا الأبيض بتلاقيه عمل لون أبيض
ما تقلقيش
الغرا الأبيض لما بينشف بيبقى شفاف

3

بعد كدة ادهنى الرسمة بالفلوت


أما لو عاوزة تعملى الرسمة خلف سطح زجاجى :
( لو طبق مثلا ) هتدهنى خلف الطبق بالغرا الأبيض
و تلزقى الرسمة على وشها برفق

أو
ممكن تحطى الرسمة على ظهر الطبق
و تجيبى سفنجة و تمليها غرا أبيض
و تضغطى برفق بالسفنجة على الرسمة
الرسمة هتشرب الغرا و تلزق




أرجو انى أكون أفدتك و يكون شرحى واضح

n (17)

[روتانا]

مرسيه مرسيه ام عمر
بجد شرح وافي جدا

[امثال]

مششششششششششششششكوره اختي على الموضوع وفي حسناتك

[وردة حمراء]

وانا اضيف لك اختي الشرح بالصور

http://www.atyab.com/uploadscenter/uploads/b30c728ca5.gif (http://www.atyab.com/uploadscenter/)

http://www.rosehost.info/files/zurvzv8skms69kjr96wj.jpg (http://www.rosehost.info/)


http://www.atyab.com/uploadscenter/uploads/b30c728ca5.gif (http://www.atyab.com/uploadscenter/)


http://www.rosehost.info/files/rfuj44l2n04v5haaj1q6.jpg (http://www.rosehost.info/)


http://www.atyab.com/uploadscenter/uploads/b30c728ca5.gif (http://www.atyab.com/uploadscenter/)

http://www.rosehost.info/files/tpze8lwwhoierwf2tg8.jpg (http://www.rosehost.info/)


http://www.atyab.com/uploadscenter/uploads/b30c728ca5.gif (http://www.atyab.com/uploadscenter/)

http://www.rosehost.info/files/yhm7vzwiq4i2c8p6d9qa.jpg (http://www.rosehost.info/)

http://www.atyab.com/uploadscenter/uploads/b30c728ca5.gif (http://www.atyab.com/uploadscenter/)

[بسمة طفل]

شـكــ وبارك الله فيك ـــرا لك ... لك مني أجمل تحية .