الضيفه الرابعه عشر ((nourelean))

[سماويه]

السلام عليكم جميعا
ان هاذا السبوع حبيت اختار اختنا الغاليه ومشرفتنا الجديده nourelean (http://www.lanaaa.com/na/members/members/6745-nourelean)اهلا وسهلا بك اختي معنا
ان شاء الله نكون رحماء عليك ولا نأذيك بأسألتنا ههههه
نورتي غالينتنا با الكرسي ان شاء الله الخوات ماراح يقصرون معاك
مده الاستجواب اسبوع ابتداء من تاريخ11_5-2010

[nourelean]

السلام عليكم ورحمة اللة وبركاتة

اشكرك اختى الغالية على هذة الاستضافة الكريمة
فى هذا الموضوع المميز

ويارب اكون ضيفة خفيفة على قلوبكم

وانا على اتم الاستعداد للاجابة على جميع اسئلتكم

بس ياريت تختارى لى كرسى يكون مريح

هههههههههههههه

اشكرك حبيبتى وفى انتظار الاسئلة

[نسيم الوادي]

اهلا وسهلا بك اختي العزيزة شرفتينا بوجودك في المعهد عضوة ومشرفة اتمنى لك التوفيق

سؤالي الأول واتمنى ان ما اكون بزعجك

لو تعرفينا على نفسك اكتر واهلا بك

اتمنى لك استجوابا هادئا خاليا من التعذيب النفسي ههههههههههههههههه

[nourelean]

اهلا وسهلا بك اختي العزيزة شرفتينا بوجودك في المعهد عضوة ومشرفة اتمنى لك التوفيق

سؤالي الأول واتمنى ان ما اكون بزعجك

لو تعرفينا على نفسك اكتر واهلا بك

اتمنى لك استجوابا هادئا خاليا من التعذيب النفسي ههههههههههههههههه






اهلا بك اختى الغالية ام وليد

اسعدنى مرورك جدا وانا اللى زدنى شرف انتسابى لهذا المنتدى المحترم بأعضاءة ومشرفية وادارية

واتمنى من اللة ان يوفقنى لتقديم كل ما هو مفيد للمنتدى الغالى

ودلوقتى اعرفك عن نفسى

اسمى /هدى

السن / 50 سنة

المؤهل /بكالوريوس تجارة شعبة محاسبة / دبلومة فى محاسبة التكاليف /عدة كورسات فى اللغة الانجليزية والكمبيوتر

مصرية واقيم فى مدينة القاهرة

ارملة

اتجوزت بعد حصولى على الثانوية العامة مباشرة
واكملت دراستى وانا متجوزة وعندما حصلت على البكالوريوس كان معايا 3 اولاد

عشان كدة انا باعتبرهم اصدقائى اكتر من كونهم اولادى

لدى 4 شباب زى الورد هم كل دنيتى عايشة بيهم وعايشة ليهم وعايشة فيهم

اتنين من الولاد متجوزين والتالت بدورلة على عروسة والصغير فى ليسانس حقوق السنة دة


ولدى حفيدة اسمها مريم عمرها 11شهر هى نور عينى والشمعة التى تنير حياتى

وفى انتظار حفيد اخر بعد 3 شهور ان شاء اللة

لا اعمل

ارجو ان اكون اجبت على سؤالك

واشكرك حبيبتى

[نسيم الوادي]

أهلا بيكي مدام هدى واحنا الي زادنا شرف وجودك معنا

الله يخلي لك اولادك ويبارك لك فيهم يارب ويخلي لكم مريومة وتشوفوها عروسة يارب

نورتينا في كرسي الإعتراف واتمنى لك اسبوعا جميلا

[nourelean]

اشكرك ام وليد على دعواتك الحلوة
وربنا يخليلك اولادك ويبارك لك فيهم

[ليلى حسيب]

السلام عليكم ورحمة الله الاخت نور العين
الحقيقة مكسوفة منك كتير علشان تطبيق الدرس الخامس لكن ان شاء الله انفذة اصل انا لخمت نفسى ببعض الاشغال مع بعض
نورتى كرسى الاعتراف واسعدنى انك قاهرية ربنا يحفظ لك اولادك واحفادك ويوصل الحفيد الثانى بالف سلامة
اعتذر للاطالة.س مع حصولك على هذه المؤهلات الدراسية لم تعملى لماذا؟
ما رأيك فى مقاطعة اللحوم الحمراء هذه الايام؟
هل لك هوايات غير الكروشية؟
يا ترى نور العين هى مريم؟

والف شكر لسعة صدرك موفقة دوما باذن الله

[nourelean]

السلام عليكم ورحمة الله الاخت نور العين
الحقيقة مكسوفة منك كتير علشان تطبيق الدرس الخامس لكن ان شاء الله انفذة اصل انا لخمت نفسى ببعض الاشغال مع بعض




اهلا بك اختى الغالية ليلى حسيب

مفيش كسوف ولا حاجة بين الاخوات وربنا يعينك على مسؤلياتك


لكن طبعا انا يهمنى انك تطبقى المفرش عشان التطبيقات دة حيكون ليها تقييم فى نهاية الدورة





نورتى كرسى الاعتراف واسعدنى انك قاهرية ربنا يحفظ لك اولادك واحفادك ويوصل الحفيد الثانى بالف سلامة




ربنا يخليكى حبيبتى ويباركلك فى صحتك واولادك

وانا كمان سعيدة ان احنا طلعنا بلديات

والكرسى منور بكل الاخوات المحترمات اللى سبقونى فى الجلوس علية






اعتذر للاطالة.س مع حصولك على هذه المؤهلات الدراسية لم تعملى لماذا؟




بصى حبيبتى زى ما قولت قبل كدة انا اتجوزت بعد حصولى على الثانوية العامة مباشرة

واكملت دراستى وانا متجوزة وعندما حصلت على البكالوريوس كان معايا 3 اولاد اكبرهم عمرة 3سنين ونصف واصغرهم عمرة 3 شهور


وطبعا كان صعب عليا افكر فى الشغل وادركت ان اولادى فى حاجة لكل وقتى ومجهودى

خصوصا وان زوجى رحمة اللة علية كانت ظروف عملة تحتم علية البقاء خارج البيت طول اليوم وتقريبا المسؤلية كلها كانت تقع على عاتقى







ما رأيك فى مقاطعة اللحوم الحمراء هذه الايام؟




مبادرة طيبة جدا وياريت الكل يلتزم بيها ومش بس فى اللحوم ولكن فى اى سلعة يرتفع سعرها هذا الارتفاع الجنونى

هو يعنى لو ما اكلناش لحمة حنموت
مالة الفول ولا الكشرى
ههههههههههههه





هل لك هوايات غير الكروشية؟



اهوى الاشغال الفنية بكل انواعها والكمبيوتر

اعشق القراءة فى كافة المواضع واقرأ اى ورقة تقع فى يدى حتى لوكانت قرطاس لب

احب اسمع ام كلثوم
ههههههههههههه







يا ترى نور العين هى مريم؟



طبعا مريم هى نور العين وروح القلب وكل حياتى

وفعلا صدق المثل اللى بيقول اعز الولد ولد الولد


لكن فى الحقيقة لقب نور العين هو الاسم اللى اتعودت اسجل بة فى اى منتدى منذ دخولى عالم النت

وكلام فى سرك هو الاسم اللى كان زوجى رحمة اللة علية بيدلعنى بية

عشان كدة انا بعتز بية قوى

(برضة الست تحب تفضل تتدلع حتى لو اصبحت جدة ) هههههههههه





والف شكر لسعة صدرك موفقة دوما باذن الله




اشكرك اختى الغالية وسامحينى للاطالة

[حمزه محمد]

الاخت العزيزه اتمنى لك اقامه مريحه على الكرسى والاحباء قالوا كل الاسئله ماقصرو
لكن ايه رأيك فى تربيه الولاد مش برضه صعبه عن البنات ده لانى عندى برضه اولاد(شباب )
ربنا يخليلك اولادك ويفرحك بيهم
لكى تحياتى

[قمر ومعها خبر]

السلام عليكم ورحمة الله وبركاته

كيفك اختى ؟

هل تحققة جميع امنياتك ؟ام بقيت هناك من الاماني التي لم تححق
وما هي هذة الامنيه ؟

[nourelean]

الاخت العزيزه اتمنى لك اقامه مريحه على الكرسى والاحباء قالوا كل الاسئله ماقصرو
لكن ايه رأيك فى تربيه الولاد مش برضه صعبه عن البنات ده لانى عندى برضه اولاد(شباب )
ربنا يخليلك اولادك ويفرحك بيهم
لكى تحياتى

اشكرك اختى الغالية وربنا يخليلك اولادك ونفرحى باولادهم

اكيد حبيبتى تربية الاولاد اصعب بكتير من تربية البنات

انا صحيح مجربتش تربية البنات لكن شوفت الفرق من خلال اولاد اخواتى

واكيد انت كمان شعرتى بصعوبة تربية الولاد مثلى

[nourelean]

السلام عليكم ورحمة الله وبركاته

كيفك اختى ؟

هل تحققة جميع امنياتك ؟ام بقيت هناك من الاماني التي لم تححق
وما هي هذة الامنيه ؟


اهلا بك يا قمر


بصى حبيبتى اكيد طول ما احنا عايشين بنتمنى حاجات ونحلم بحاجات
بعضها بيتحقق وبعضها بيفضل احلام ودة سنة الحياة

بالنسبة لية كنت اتمنى يكون عندى بنت ولم تتحقق هذة الامنية
لكن الحمد للة ربنا اراد يعوضنى عندما رزقنى بزوجات اولاد ى

فهم بالنسبة لى بمثابة بناتى واكتر
وايضا عندما رزقنى بحفيدتى مريم قرة عينى

[ليلى حسيب]

شكرا جزيلا للرد الباعث للبهجة اختى نور العين