الدرس 16 / غرزة شنطة سهلة جدا لكن أنيقة جدا مع طريقة عمل الشنطة

[white tree]

السلام عليكم أخواتى

أولا أعتذر بشدة عن عدم وضع درس جديد الاسبوع الماضي وذلك لظروف طارئة

درس اليوم هو الدرس السادس عشر وهى غرزة سهلة جدااااااااااااا وأعتقد ان كلكم تعرفوها

وهى غرزة هذه الشنطة

http://photo.mrchat.net/pictures/82f95e28ed5cd375b916e3fdbad5d81b.jpg (http://photo.mrchat.net)

أنا الشنطة عجبتنى كتيربالرغم ان مالهاش باترون وأحلى حاجة فيها ان غرزتها سهلة وفى نفس الوقت الشنطة جدا أنيقة وأنا بدأت فيها بالفعل وقلت أنزل الدرس ده عشان نتعلم الغرزة وفى نفس الوقت نتعلم طريقة عمل الشنطة والصراحة الطريقة ولا أسهل

ان شاء الله بنزل تطبيقى للشنطة اليوم أو بكرة




ملحوظة ///// أنا استخدمت خيط جنجاة فى عمل الشنطة فأرجو أن تكون الصور واضحة والغرزة واضحة

نوع الخيط اللى أنا استخدمته / خيط قطن سميك

كمية الخيط / حوالى 150 جرام وطبعا حسب حجم الشنطة


بسم الله الرحمن الرحيم نبدأ الشرح

البداية / هنعمل سلسلة وهيكون هو قاعدة الشنطة (وعايزة أقولكم ملحوظة السلسال هتعملوه أصغر من حجم الشنطة لأنه هتكون أصغر من الاسفل وتطلع على أوسع )


ملحوظة هامة جدااااااااااااااااااا ////// لازم السلسة تكون مرخية (غير مشدودة ) عشان القاعدة ما تكون مشدودة كتير ويطلع النتيجة وحشة )

السطر الاول / هنعمل 3 سلسلة بمثابة أول عامود ثم نعمل بأول سلسلة على السطر عامود (كده أصبحوا 2 عامود ) ثم نعمل سلسلة وبنفس الغرزة اللى عملنا فيها العامود نعمل عامودين (كده المجموع 2عامود+سلسلة+2عامود) وكله بغرزة واحدة


http://photo.mrchat.net/pictures/05d7c3537524952565e08949ef2cf394.jpg (http://photo.mrchat.net)

ثم نترك 2 سلسلة على السطر ونعمل فى الثالثة (2عامود+سلسلة+2عامود) ثم نترك 2 سلسلة ونعمل فى الثالثة
(2عامود+سلسلة+2عامود) وهنفضل نكرر حتى اخر السطر لكن هنترك اخر ثلاث غرز

http://photo.mrchat.net/pictures/baf0f4a5469ff63e1fd0307e5358dcdf.jpg (http://photo.mrchat.net)

هنترك 2 سلسلة وفى اخر سلسلة بالسطر هنعمل التالى (2عامود+سلسلة+2عامود+سلسلة+2عامود) يعنى زودنا سلسلة+2 عامود (ليه؟؟؟؟؟؟؟؟؟؟؟؟) عشان نحصل على الشكل البيضاوى لقاعدة الشنطة وعشان نعمل الزيادة فى الاسطر القادمة


http://photo.mrchat.net/pictures/5a74a287da2720ce1ce12fb7f0ee9155.jpg (http://photo.mrchat.net)


بعد كده هنكمل عادى هنترك 2 سلسلة ونعمل (2عامود+سلسلة+2عامود) فى الثالثة لحد ما نوصل للغرزة الاولى خالص اللى بأول السطر واللى عملنا فيها (2عامود+سلسلة+2عامود) هنشتغل فيها 2عامود +سلسلة ونغلق بمنزلقة

http://photo.mrchat.net/pictures/d53ce225177a001fca5f2ddbaf2cdd0c.jpg (http://photo.mrchat.net)

وهيكون ده الشكل النهائى للسطر الاول وهتلاحظوا ان الشكل صار بيضاوي

http://photo.mrchat.net/pictures/dcc1d07528b853b0378bdd00dc3620dd.jpg (http://photo.mrchat.net)


السطر الثانى ////// السطر الثانى ده بيكون حسب رغبتكم اللى عايزة تعمل الشنطة أوسع أو اللى الخيط بتاعها مش سميك كتير هتعمل تزايد وهقولها ازاى

أما اللى الخيط بتاعها سميك وعايزة تثبت على المقاس هقولها برده ازاى

بالنسبة للى عايزة تثبت على هذا المقاس وما تزود هتعمل بكل فراغ أسفل السلسلة اللى بين العامودين التالى (2عامود+سلسلة+2عامود) وهذا على طول السطر وباقى الاسطر ستكون على هذا الحال (بكل فراغ تحت السلسلة (2عامود+سلسلة+2عامود) لحد ما توصل للطول اللى هى عايزاه



http://photo.mrchat.net/pictures/d8c371adb01040b47da72e8f161416c3.jpg (http://photo.mrchat.net)


أما بالنسبة للى عايزة تعمل تزايد (وأنصح اللى خيطها رفيع تعمل تزايد ) هتعمل برده بكل فراغ تحت السلسلة(2عامود+سلسلة+2عامود) ماعدا الفراغين اللى على الجانب الايمن والفراغين اللى على الجانب الايسر هتعملوا فى كل فراغ منهم التالى (2عامود+سلسلة+2عامود+سلسلة+2عامود)

أما الاسطر اللى بعد كده هتكون عادية وثابتى (يعنى هتعملى بكل فراغ اسفل السلسلة (2عامود+سلسلة+2عامود)


http://photo.mrchat.net/pictures/a9f86eeb2e5790c2ead89943882c37bb.jpg (http://photo.mrchat.net)


هذا شكل الغرزة من قريب

http://photo.mrchat.net/pictures/91f318685006f8b31e84f97748b572ea.jpg (http://photo.mrchat.net)

وهذا شكل الشنطة بعد ما اشتغلت شوية فيها

http://photo.mrchat.net/pictures/a6fa80f6552c8ec11b5c5927f18088b7.jpg (http://photo.mrchat.net)

طبعا انتوا بتفضلو تشتغلوا لحد ما توصلوا للطول المناسب بعد كده نبدأ نعمل أسطر من غرز الحشو عشان الشنطة تزم من فوق

بالنسبة للأسطر اللى بغرز الحشو هتكو كالتالى بعد ما خلصنا الشنطة هنعمل أول سطر من غرزة الحشو بهذه الطريقة

هنعمل بكل فراغ غرزة حشو (وأقصد هنا بكل فراغ ليس كل فراغ تحت السلسلة فقط ولكن كل فراغ بين الاعمدة (يعننى هنعمل غرزة حشو ونترك عامودين وبعدين فى الفراغ اللى بعده غرزة حشو وبعدين نترك عامودين وفى الفراغ اللى بعده غرزة حشو وهكذا )

اذاحسيتى ان الشنطة زمت كتير وانتى عايزاها تزم أقل ممكن تفكى السطر وتزودى غرز الحشو حسب تقديرك ورغبتك

ثم تقوم بعمل كمان 3 أسطر او 4 من غرزة الحشو بحيث يكون بكل غرزة غرز حشو

ثم نيجي للسطر الاخير وهتلاحظى فى صورة الشنطة انه مختلف شوية

طريقة عمل السطر الاخير //// بعد ما انهين اسطر الحشو هنبدأ السطر اللى بعده بأننا نعمل سلسلة ثم غرزة حشو ثم 3 سلسلة ثم غرزة حشو بنفس الغرزة ثم ننتقل للغرزة اللى بعدها بمنزلقة ونعمل فيها نفس الحكاية (غرزة حشم ثم 3 سلسلة ثم غرزة حشو بنفس الغرزة) ثم ننتقل للى بعدها بمنزلقة وهكذا


اما بالنسبة ليد الشنطة ممكن تعمليها مثل الصورة أو ممكن تعمليها بغرزة حشو أو عامود

بالنسبة لى عملتها ضفيرة جمعت مجوعة من الخيوط مع بعضها (طبا من نفس الخيط) ثم ساويت الطول وقسمتها ثلاث مجموعات ثم ضفرتها وشبكتها بالشنطة من الناحيتن وطلعت نتيجتها هايلة ولايقة مع الشنطة

ان شاء الله بتشوفوها بالتطبيق

بعد كده نركب بطانة للشنطة وسوستة

بعد كده بتزينى الشنطة بشريط الستان حسب ذوقك


وألف مبرووووووووووك عليكي الشنطة

تتهنى فيها

يلا منتظرة تطبيقاتكم

واذا عندكم اى اسئلة او استفسارات انا بالخدمة

بالتوفيق

تطبيقي للشنطة على هذا الرابط
http://www.lanaaa.com/na/threads/22347-%D9%88%D8%A3%D8%AE%D9%8A%D8%B1%D8%A7%D8%A7%D8%A7%D 8%A7%D8%A7%D8%A7%D8%A7%D8%A7%D8%A7-...-%D8%AA%D8%B7%D8%A8%D9%8A%D9%82%D9%8A-%D9%84%D9%84%D8%B4%D9%86%D8%B7%D8%A9-%D8%A7%D9%84%D9%84%D9%8A-%D8%B4%D8%B1%D8%AD%D8%AA%D9%87%D8%A7

:lanaaa (1)::lanaaa (1)::lanaaa (1):

[مملكه سبأ]

يعطيكى الف عافيه

اختيارك رائع جدا


بأذن الله حطبقها بس حاتأخرفيها لانى مشغوله جدا


سامحينا اذا تأخرنا فى تطبيق الدروس فليس اهمالا بقدر ما هو انشغال بامور البيت ولاولاد

[محبه الكرويشه]

سامحينا مودتنا الغاليه على القصور ،، اليوم يخلص بسررررعه وتجيلك مشااااغل وتنشغلي ،، بس فعلا مثل ماقالت سبأ تاخرنا مو اهماااال على العكس تماما دورتك رااائعه وافدتينا كثييير ،، وهالشنطه عااااد رووووووووووووووووووووووووعه بالمره جميييله وانيقه انا حابه بس تقوليلي عددد السلاسل كام بالضبط ؟؟ وانتظري تطبيقات بالجمله هههههههههه

[أميرة الساحل]

عزتي مودة
الله يعطيك العافيه شنطه جميلة
المعذرة على التأخير
ان شاء انفذ الدرس وتكني راضيه مودتي الغاليه

[ليلى حسيب]

شنطة شيك وسهلة فعلا ربنا يسهل واقدرانفذها سلمت يداك

[عمورى]

بالفعل سهله وبسيطه جزاكى الله الخير عنا جميعا

[قمر ومعها خبر]

يسلمووووووو
وما شاء الله وتسلم ايدك اختى
وان شاء الله اني انفذها

صححححححححححححححححححح

[عبيرالورد]

شنطة جميلة
تسلم ايديكي
واشكرك على مجهودك معنا في الدورة
وجزاك الله كل خير

[نونة]

اللة ينور شنطة جميلة وانشاء اللة هعملة

[بتول النوبية]

الله يبارك فيكى يارب ويسعدك ويجعل أيامك هناء وراحة بال
شرحك بدقة ومفسر جدا وكريمة بسرد الخطوات
ألف شكر ابنتى
:lanaaa (27):

[انين الصمت^_^]

يعطييك العافيه
الغرزه مره سهله
بسس عندي مشكله خخ ماتصير شنطه تصير مفرووده
http://center.jeddahbikers.com/download.php?img=538032 (http://center.jeddahbikers.com/)

[نسيم الوادي]

ماشاء الله تبارك الله حبيبتي

الموديل روعة والشرح أروع

جزاك الله خيرا غاليتي

[عبيرالورد]

لوسمحتى وايت ترى
انا عاوزة اعمل الشنطة
ياريت تقوللي ابدا بكم سلسلة
وجزاك الله كل خير

[white tree]

يعطيكى الف عافيه

اختيارك رائع جدا


بأذن الله حطبقها بس حاتأخرفيها لانى مشغوله جدا


سامحينا اذا تأخرنا فى تطبيق الدروس فليس اهمالا بقدر ما هو انشغال بامور البيت ولاولاد


الله يعافيكي اختى الغالية أم المأمون

أنا سعيدة كتير ان الشنطة عجبتك

والله يكون بعونك أكيد طبعا مسئولياتك كتير

منتظرة تطبيقك

بالتوفيق


سامحينا مودتنا الغاليه على القصور ،، اليوم يخلص بسررررعه وتجيلك مشااااغل وتنشغلي ،، بس فعلا مثل ماقالت سبأ تاخرنا مو اهماااال على العكس تماما دورتك رااائعه وافدتينا كثييير ،، وهالشنطه عااااد رووووووووووووووووووووووووعه بالمره جميييله وانيقه انا حابه بس تقوليلي عددد السلاسل كام بالضبط ؟؟ وانتظري تطبيقات بالجمله هههههههههه

ولا يهمك اختى وانتوا كمان سامحوني على تقصيري وأكيد انا كمان بعذركم الله يكون فى عونكم

وأنا سعيد جدا جدا ان اختياري عجبكم

عدد السلاسل تقريبا 35 سلسلة لكن أنا شتطتي حاساها أكبر شوية من الشنطة الاصلية

هههههههههههههه منتظرة التطبيقات

[white tree]

عزتي مودة
الله يعطيك العافيه شنطه جميلة
المعذرة على التأخير
ان شاء انفذ الدرس وتكني راضيه مودتي الغاليه

الله يعافيكي اختى الغالية اميرة الساحل

تسلمي على مرورك العطر و منتظرة تطبيقك



شنطة شيك وسهلة فعلا ربنا يسهل واقدرانفذها سلمت يداك

الله يسلمك اختى ليلي

ان شاء الله تكون الشنطة عجبتك وأى سؤال انا حاضرة

[white tree]

بالفعل سهله وبسيطه جزاكى الله الخير عنا جميعا

جزاكى الله خيرا اختى على مرورك الكريم

وان شاء الله اكون عند حسن ظنكم دائما


يسلمووووووو
وما شاء الله وتسلم ايدك اختى
وان شاء الله اني انفذها

صححححححححححححححححححح

وأنا منتظرة تطبيقك اختى قمر

وجزاكى الله خيرا على نشاطك ومرورك العطر


شنطة جميلة
تسلم ايديكي
واشكرك على مجهودك معنا في الدورة
وجزاك الله كل خير

تسلمي اختى الغالية عبير الورد على مرورك العطر

وان شاء الله اكون عند حسن ظنكم دائما

منتظرة تطبيقك


اللة ينور شنطة جميلة وان شاء الله هعملة

وأنا منتظرة تطبيقك اختى نونة

واذا احتجتى اى حاجة انا بالخدمة

[white tree]

الله يبارك فيكى يارب ويسعدك ويجعل أيامك هناء وراحة بال
شرحك بدقة ومفسر جدا وكريمة بسرد الخطوات
ألف شكر ابنتى
:lanaaa (27):

اللهم امين

جزاكي الله خيرا ماما بتول على دعواتك الجميلة واتمنى ان يتقبل الله منك الدعاء ويرزقك مثله ان شاء الله

وتسلمي على كلماتك الرقيقة وان شاء الله اكون دائما عند حسن ظنكم

وأنا موجودة اذا احتجتى اى حاجة فى اى وقت

[white tree]

يعطييك العافيه
الغرزه مره سهله
بسس عندي مشكله خخ ماتصير شنطه تصير مفرووده
http://center.jeddahbikers.com/download.php?img=538032 (http://center.jeddahbikers.com/)

لا اختى انين انا مش شايفاها مفرودة انتى ممكن تحسيها كده لكن لما تكمليها هتلاقيها بتلم شوية وكمان لما تعملى اسطر الحشو هتلاقيها بتزم

بس يا ريت تصوري كذا صورة يكونوا أوضح عشان اشوف التفاصيل اكتر

[white tree]

ماشاء الله تبارك الله حبيبتي

الموديل روعة والشرح أروع

جزاك الله خيرا غاليتي


جزاكى الله خيرا اختى الغالية ام وليد على مرورك العطر وتشجيعك الدائم


لوسمحتى وايت ترى
انا عاوزة اعمل الشنطة
ياريت تقوللي ابدا بكم سلسلة
وجزاك الله كل خير

أنا بدأت ب 35 سلسلة تقريبا والشنطة طلعت أكبر من الاصلية حاجة بسيطة

[عبيرالورد]

اشكرك حبيبتي وايت تري
وجزاك الله كل خير

[ملاك الطفولة]

ماشاء الله الغرزة حلوة
وتطبيقك أحلى
عجيتني كثييييييييييير
وأن شاء الله قريب أرجع بالتطبيق
ربي يوفقك ويحفظك

[رجاها]

يسلموا الايادي

[انين الصمت^_^]

ممممممممممم مو رااضيه تستوووي الشنطه
ماتنزم الا ع الجوانب والبااقيي منفررده
http://www.almlf.com/get-5-2010-almlf_com_q8r2epez.jpg[/URL (http://[URL]http://www.almlf.com)]

[om_yoyo]

راااااااائعة بالفعل

[white tree]

جزاكم الله خيرا على مروركم العطر اخواتى

أتمنى لكم دائما المتعة والفائدة

وان شاء الله اكون عند حسن ظنكم

[الاطهار]

تسلم الايدي

[ام عبد الرحمن 2]

شكرا جزيلا للتوضيح الرائع بارك الله فيكى و ان شاء الله اعملها

[المنتقبة]

تسلمى على الشرح السهل الواضح
جزاك الله كل خير

[بسمله]

تسلم الايادي

[white tree]

جزاكم الله خيرا على مروركم أخواتي الغاليات

[chicklyta]

روعهههه هالجنطة

[white tree]

جزاكم الله خيرا على مروركم اخواتي الغاليات

وان شاء الله نكون عند حسن ظنكم دائما

[Orphan.80]

روووووووعة

يعطيك العافية ع الشرح حبيبتي

[الصباح الجميل]

شنطه جميله مبروك عليك ومشكوره على الشرح الجمبل

[صافي الود]

الله يسعدك يا وايت تري في الدنيا والاخرة من زمااااااااااااان وامنيتي اني اعمل هذه الشنطة والله يجزها كل خير اللي ذكرت اسمك في منتدى ثاني وخلتني ابحث حتى لقيت الورشة هذه .
وان شاء الله انزل تطبيقي قريبا

[زهرة التوليب]

تسلم ايدك حبيبتى موفقه دائما فى اختيارك لموديلات روعه تسلم ايدك وربنا لا يحرمنا تواجدك وابداعك

[*؛ إحســـاس ؛*]

الف شكر اختي على الورشه الحلوه
ربي يعطيج العافيه
انا للحين مخلصه من اساس الشنطة
والباقي اليد والشريطه

[همسات الليل]

ماشاء الله ررررررررررررررروعه الشنطه
انا عملت القاعده احسها مفروده ليه مدري؟؟
طيب بعدين كيف عشان ارتفع ؟؟؟

[drmarwa]

تسلم ايدك الغرزه سهله وبسيطه ونتيجتها حلوه في الشنطه

[لألئ الخير]

شكلها تحفة فعلا

يسلم ايديك يالغلا

[ورود الحب]

http://i46.servimg.com/u/f46/11/76/71/34/s97dbv10.gif

[دلع عمري]

رووووووووووعه الشنطه

والشرح كثييير واضح مشكوووره وجزاك الله الف خيير

وبدأت في تطبيقها وماشيه معي تمام ان شاءالله انزلها لكم بعد مااخلص ...

الف شكر لك حبيبتي

[nisrin]

يعطيك العافية